Diahuebs ultimo e team di Train Hard Fight Smart di Brazil Taekwondo Stichting a haya nan uniform pa Surinam. E team ta preparando ainda pa e di 5 TK5 na Surinam.
Un di e cosnan cu Brazil Taekwondo Stichting ta haci ta, inverti hopi tempo den su atletanan pa asina nan ta bon getrain y uniforma pa unda cu nan biaha nan ta semper bon prepara.
E team ta consisti di 5 atleta y 1 atleta di reserva. Coach Aaron Jacobs ta haciendo su di dos debut na un TK5 y awor lo mester pone tur cos den wega pa asina logra gana e di 5 Copa na Surinam. E team lo mester enfrenta Surinam, Frans Guyana y Trinidad. Brazil Taekwondo Stichting su team ta conta cu atletanan di 8 te cu 11 aña y esaki ta e ultimo biaha cu Danon Delamore y Jahmani Eisden lo bay bringa den e team di TK5 aki. Brazil Taekwondo Stichting cu su lema di Train Hard Fight Smart lo mester keda bibo na tur evento internacional cu e team biaha.