Brazil Taekwondo Stichting su atletanan ta cla pa e Presidents Cup cu ta bay tuma luga na Portland Oregon cu ta clasificacion pa Panamericano di aña 2017.
Aaron Jacobs y Aischal van der Linde di Brazil Taekwondo Stichting a sigui cu e programa di training y a duna di conoce cu e team di 5 atleta ta cla pa ranca sali y bringa na Portland Oregon.
Aaron Jacobs ta bay coach e team di Train Hard Fight Smart na Portland. E team cu ta consisti di e siguiente atletanan:
Joshua Klabér – Cadet -35 kilo.
Rasheed Lowe – Cadet -41 kilo.
Hakeem Lowe – Junior -51 kilo.
Jourdé Klabér – Junior -59 kilo.
Záhyon Klabér – Junior -63 kilo.
Un team dinamico di Brazil Taekwondo Stichting cu a prepara bon y cu ta mira Portland como nan intro pa e campeonato mundial di Junior na Canada na luna di November.
Brazil Taekwondo Stichting tin hopi confiansa den nos atletanan, kendenan lo bay haci un diferencia grandi na Portland y pa nan bandera di nan pais.