Diahuebs anochi Brazil Taekwondo Stichting tabata tin un reunion sumamente importante na Centro di Bario Brazil na unda cu a discuti tocante di Best of the Best cu participacion for di Venezuela, Corsou y Surinam.
Tambe a papia tocante di e dia di famia cu ta bay ta diadomingo awor na Baby Beach. Brazil Taekwondo Stichting ta preparando pa e Cena di Pasco caba, mirando cu e preparacion aki ta rekeri masha hopi mes, cosnan cu mester wordo cumpra y regla y manera tur aña ta cuminsa cu esaki na luna di October. Un otro punto cu a bin pa dilanti ta, tocante di coaching di e atletanan ora di bringa, mirando cu Brazil Taekwondo Stichting ta preparando aña 2017 caba y no tin e actividadnan di WTF ainda ariba agenda. E benta di calender no a cuminsa full speed ainda, tin plania pa subi e cayanan di Aruba na cuminsamento di October pa asina por logra e meta di por bende tur prome cu dia 28 di December.
Brazil Taekwondo Stichting su team di e di cinco TK5 di Corsou ta conoci y ta preparando duro y Aischal van der Linde y Aaron Jacobs ta e dos coachnan pa e team di Train Hard Fight Smart.