Brazil Taekwondo Stichting a reuni hunto cu prensa tocante di e biahe pa Corsou pa e TK5

Diahuebs anochi a tuma lugar un reunion pa prensa na Centro di Bario Brazil hunto cu e miembronan di Brazil Taekwondo Stichting tocante di e biahe pa Corsou na luna di November. Brazil Taekwondo Stichting ta bay pa participa na e TK5 pa di 5 aña consecutivo.

Mirando cu e tempo no ta na nos banda a cera e inscripcion di e atletanan y prensa pa sigui cu e preparacion te cu dia 4 di November. Tur medio di prensa a haya nan invitacion pa asina presenta na e reunion aki pa nan wordo bon informa di e delaster detayenan di e biahe. Brazil Taekwondo Stichting tin e teamnan forma caba y Aischal van der Linde hunto cu Aaron Jacobs lo sigui cu e preparacion di e atletanan, pasobra Brazil Taekwondo Stichting kier pa Aruba bin bek cu e copa di TK5. Un total di 9 medio di prensa a registra pa bay hunto cu e team di Train Hard Fight Smart na Corsou.

Pa fin di luna lo yama e ultimo reunion pa asina entrega algun material pa e TK5. Brazil Taekwondo Stichting kier ta bon prepara pa e di 5 TK5 aki y ta trahando duro pa logra e meta aki.

 

Comments

comments