Brazil Taekwondo Stichting a lansa su calender di aña 2017

Diahuebs anochi a tuma lugar na Centro di Bario Brazil e lansamento di e calender di aña 2017 di Brazil Taekwondo Stichting den presencia di tur miembro presente.
E calender tin un toke diferente cu sr. Mauro Jones di Jones Publicidad a diseña pa aña 2017. Tur potret cu ta den e kalender aki ta potretnan saca na diferente parti di Aruba y uno na Surinam. Locual ta e areanan di Aruba a pidi permiso pa asina por a saca e potretnan, specialmente e potret cu a wordo saca na Entertainment Center cu tin e emblema di deporte.
Awor cu e atletanan a haya nan pakete di calender, nan ta bay cuminsa bende nan pa solamente 15 florin cu ta bay pa cubri e biahe pa Corea na aña 2017. Na Corea nan lo bay participa na e Korean Open cu ta un G2 y tambe na varios camp training plania door di ex campeon mundial Henk Meijer kende ta bay guia e team di Aruba na Corea. Tin plania pa keda Corea pa 5 siman durante di e vakantie di Juli 2017.
Brazil Taekwondo Stichting ta gradici tur esnan cu a saca potret pa e calender di aña 2017 y cu a tuma nan tempo pa asina realisa esaki atrobe. Tambe ta haci un yamada na e pueblo di Aruba pa asina coopera cu e atletanan di Brazil Taekwondo Stichting. Duna boso sosten, cumprando un of mas calender di e team di Train Hard Fight Smart pa solamente 15 florin.

Comments

comments