BRASILIA, Brazil -Un asesinato contra un profesor de capoeira y varios herido den menos di un siman.
Un maestro di Capoeira a fayece e siman aki despues di a wordo hinca durante un pelea, mientras cu varios hende muhe a resulta herida den episodionan di violencia extremo. Esaki ta wordo protagonisa pa siguidonan di e ultraderechista Jair Bolsonaro, candidato pa presidencia di Brazil.
E discuros homofobico, misogina y racista di e ex militar a yega na su siguidnan cu a traslada e odio pa e cayanan di Brazil.
Dialuna den oranan di marduga ta fayece Moa do Katendê, di 63 aña, compositor y profesor di capoeira, despues di a wordo hica 12 biahaq pa un siguido di Bolsonario, den un bar di Salvador di Bahia, mei mei di un discusion politico.
Tanto Bolsonaro como su rival Fernando Haddad, candidato di iskierda, a manifesta nan rechaso.
“E libertad di opinion mester wordo garantisa den e pais aki, cu e respet pa e ciudadano pa asina e personanan no wordo agredi pa loke nan ta pensa”, Haddad a señala.
Di otro banda, e candidato ultraderechista, cu tambe a wordo hinca durante un acto di campaña di 6 di september ultimo, a bisa di no ta di acuerdo cu e uzo di violencia.
Mientras cu ainda e rednan social tabata yora e morto di e profesor di Capoeira, un otro agresion a bolbe cende e candela/
Un hoben di 19 aña, di Porto Alegre, a denuncia di tabata victima di un atake di parti di tres homber, cu a golpi’e y a marca un swastica riba su bariga cu’n sambechi.
Segun e victima, e agresion a bin door cu riba su rugtas e tabata tin un sticker cu e bandera LGTB, unda cu por a lesa ‘EleNão (ENo)’, e lema uza na Brazil pa protesta contra di Bolsanaro.
E potretnan di otro muhe, completamente golpia, cu a wordo bati door di siguidonan di Bolsanaro tambe a alarma e internautanan.