Presidente di Parlamento ta felicita pueblo di Aruba y Centro di Bario Brazil, specialmente Chico Harms pa un otro Parada Folklorico-Cultural exitoso. Pabien na tur grupo y boluntario. Wyatt-Ras ta gradici alabes un y tur cu a join cu Fundacion Bernadina pa presenta ariba caminda, specialmente sr. John Freddy Montoya, Roland Jansen, Sue Ann Croes y Jeanelly Leo cu grupo di participantenan di Fcca. Pabien pa e bunita Carosa. E aporte na nos tradicion cultural, nos folklore, nos identidad ta di sumo importancia. Ta un muestra cu nos ta balora tur locual ta di nos. Danki tambe na nos costureranan, participantenan y tambe e publico cu ta para canto di caminda pa aprecia e parada y anima participantenan. Tambe nos DJ y gruponan musical tipico pabien pa e bon presentacion. Wyatt-Ras tambe felicita tur e Damanan y Damita Cultural cu a ser eligi y kende ayera a luci riba caya. Mama Bertha tambe a sa di representa fundacion Bernadina na un forma sublime.