Brazil Jrs ta sali brabo den play-off y ta gana RCS den nan prome wega.
Diadomingo 27 di mei 2018 a sigui e play-off 2017/2018 di Aruba su futbol Division uno.
Den stadion Frans Figaroa na noord a tuma luga e wega entre Brazil Jrs contra di RCS.
Brazil Jrs mester a topa United den nan prome wega caminda e dos team nan aki a termina
como lider di nan respectivo grupo, United den Grupo A y Brazil Jrs Grupo B , pero pa motibo di problema di coriente na Frans Figaroa e wega a keda cancela. Y e ekipo di RCS ta bin di un derota contra di FC Porto di 0-5.
Despues di inicio di e wega e ekipo di Brazil Jrs ta logra habri e marcado tempran na di 6′ di wega pa medio di Samson Occean #19 pa bay ariba 1-0.
Na di 9′ di wega ta e Capitan di e ekipo di Brazil jrs ta logra amplia e score den persona di Owen van der Wijne pa haci e wega 2-0.
Despues ta e mes un Owen van der Wijne ta bolbe pone un gol mas na su nomber pa ser exacto na di 24′ di wega pa bay ariba 3-0.
Faltando 3′ pa bay sosiego e hoben Faustin Michel # 23 ta score pa RCS logra corta bentaha na 1-3.
Final di e prome 45′ nan di wega ta termina cu e score di 3-1 pa e ekipo di Brazil jrs.
Den e di dos mita di wega e ekipo di RCS a sali brabo pone basta presion pero no por
a score y na di 81′ di wega riba un contra atake di Brazil jrs Brian Dorothal #17 ta logra score
pa bay ariba 4-1.
Na di 84′ min di wega ta Bryan Agumbero #11 ta logra score un gol pa RCS y asina ta corta bentaha un biaha mas na 2-4.
Final di e wega Brazil jrs vs RCS 4-2.
E wega a wordo dirigi pa S Granuel y asisti pa R Vanegas y S Mira.