E minister di Salud di Brasil a confirma diaranson 26 Februari e prome caso di CoronaVirus.
E pashent di e homber di 61 aña residente di Sao paulo cu a biaha pa un trabou entre 9 y 21 Februari na e region di Lombardia na Noord di Italia. El a topa cu e sintoma leve di keintura, tosamento seco y dolor di garganta y problema cu nanishi, segun minister di salud Luiz Henrique Mandetta.
Esaki ta bira e prome caso di CoronaVirus na Latino America. A identifica e personanan cu e pashent tabata tin contacto cu nan na hospital, avion durante su biahe. E ministerio a afirma cu a sigui tur e protocol segun e organisacion mundial di salud.