FRANJA DI GAZA, Gaza- E brasa arma di e movimento Islamista Palestino Hamas, e Brigadanan di Ezedin al Qasam, a haci maniobranan “defensivo” na Gaza, den un momento di tension cu Israel y horanan despues di e ehercito Israeli a ataca un infrastructura vincula cu e grupo.
Cientos di miliciano uniforma al estilo paramilitar, bisti cu mascara y cu armanan light a desplega dor di e Franja di Gaza durante un ehercicio orienta na “prepara y coordina su varios armanan (tera, lama y aire)”, segun e Brigada den un comunicado.
Durante dia tabata por a skucha explosionnan den e parti zuid y noord di e region y tabata tin movimentonan di autonan blinda, activadnan cu e grupo arma a denomina como “e prome di e tipo aki”.
Testigonan y forsanan di siguridad a bisa cu e milicianonan a tira dos raket den direccion di lama pa prome biaha.
Segun e grupo arma aki, ta trata di un ehercicio di “constancia y desafio” planifica cu anticipacion, sin bisa ki tempo esaki lo caba.
E maniobranan a wordo ricibi como un mensahe di desafio pa Israel, algun dia leu prome cu diabierna, ora cu Hamas a convoca marchanan grandi pa e frontera cu Israel pa conmemora e asina yama Dia di Mama Tera y pa protesta contra di e ocupacion Israeli.
Analistanan ta alera di un aumento di tension rond di Gaza, unda varios incidente a tuma luga diferente incidentenan violento den e ultimo simannan, incluyendo e explosion cerca di e frontera.
E ultimo di e sucedidonan a tuma luga diadomingo anochi, ora cu Israel a ataca un infrastructura di Hamas, den respuesta na e infiltracion di cuater Palestino na un luga unda obranan di construccion di un muraya di siguridad subteraneo tabata tumando luga, cual nan a ataca cu obtehonan flamable.
Israel ta considera Hamas responsabel di loke pasa na Gaza, ya cu e ta mantene e gestion di siguridad a pesar di e acuerdo di reconcilacion firma na October aña pasa cu e partido nacionalista Al Fatah, unda a keda stipula un transferencia di control di e Franja na e Autoridad Palestino (ANP), cual ainda no a wordo completa.
Fuente:https://www.efe.com