Diaranson den careda di 11’or pasa un persona lo a mira huma ta sali for di e container di Welcome back snack situa pega cu veld di RCA. Esaki a pone cu a mobilisa, brandweer y polis cu urgencia pa mira e situacion.
Patruya di Oranjestad a presenta di biaha y aki e oficialnan a tira un control rond y bou di e container pero nada iregularidad. Brandweer a sali lihe for di nan post na Tanki Flip tambe e bomberonan a drenta accion controla full rond di e luga y e boter di gas pero nada. E persona encarga cu e luga tambe a yega pa asina controla paden pero no a mira nada cu ta indica di candela.