Diadomingo awo, dia 16 di October, lo bay tin un careda cu lo cuminsa pa 6’or di mainta cu registracion 5’or di mainta. E ta un 10K y 5K fun walk/run. E interes ta hopi halto, segun Ferdinand Ponson di Brandweer. Ta bezig ta hayando hopi inscripcion caba y lo bay percura pa bay print mas bib’s. Por inscribi na Ibisa ainda. Inscripcion lo cera diasabra parti pa asina e registracion di diadomingo bay smooth.
Opendag
Despues di e careda lo bay tin un opendag, cu lo bay cuminsa pa 10’or di mainta na post di Tanki Flip di Brandweer. Ta bay tin diferente evento pa mucha cu normalmente e trucknan ta bay ta riba display, unda nan por subi den e truck. Nan por wak kico un bombero ta sinti den un truck. Ta bay tin hoogwerpen unda cu nan por subi y baha. Ta bay tin un splash corner, cu ta bay pa 4 ora.
Tambe ta preparando un careda chikito pa e muchanan, pa asina nan por core pasa door di obstaculo di brandweer, y lo purba di pone den sombra, pa asina evita e solo y pa nan por biba un rato tambe y mira kico un bombero ta sinti ora cu nan ta bay un alarma.
E opendag ta for di 10’or di mainta pa 5’or di atardi. Ta bay tin bar y cushina, cual lo ta bay ta bon surti.
Ta invita henter pueblo pa pasa na kazerne na Tanki Flip for di 10’or di mainta, pa asina por conoce un tiki mas loke ta brandweer.