Fire Prevention Week ta den porta atrobe. Lo pone full e schedule ariba e Facebook page di Cuerpo di Bombero Aruba. Sr. Ferdinand Ponson, vocero di Cuerpo di Bombero ta amplia.
E Brandweerloop lo ta dia 30 di september, y lo cuminsa pa 6 or di mainta. Aña pasa a kibra e record y e aña aki ta spera di kibr’e un biaha mas. Pagamento online ta den full swing. E model di tshirt ta yegando Aruba pronto. Loke a hinca den e diseño, ta loke ta e parti di medaya, pa ora caba tur participante haya un medaya. Esaki ta posibel dor di sponsornan.
Esaki ta e prome aña cu ta bay ta asina y ta e bay ta grandi
E ruta ta bay ta mescos cu aña pasa. Dus e ta sali for di cura di Brandweer Tanki Flip, bay straight ariba, esaki t e 10 k. E ta sigui te na e rotonde di Paradera, bira bay zuid, direccion rotonde Seroe Blanco, drenta De La Sallestraat, drenta Caya Ernesto Petronia pa rotonde di Ponton, rotonde di Santa Helena, drenta Pitastraat, pasa dilanti EPB Hato, pasa dilanti Elmar Hato, y bay caba na Brandweer Tanki Flip.
E ruta di 5 k ta sali for di cura di Brandweer, yega rotonde di Tanki Leendert, Tanki Flip, bay direccion Ponton pa Caya Ernesto Petronia, rotonde di Santa Helena, drenta Pitastraat pasa dilanti di EPB Hato y Elmar Hato, y bay caba na Brandweer Tanki Flip.
Pa loke ta inscripcion, por registra online via e website www.brandweerloop.com. Of por bay Ibisa, unda cu nan ta yuda e persona pa registra y paga tambe na Ibisa.
E color di tshirt semper ta color standard di Brandweer. E aña aki e ta bolter, cu ta e parti geel, cu strepinan di warning, color cora. E tin logo dilanti y e sponsor den lomba.