Sr. Ferdinand Ponson, vocero di Cuerpo di Bombero ta amplia mas ariba e parti preventivo pa pa dia di entrega di lista politiconan
Nan ta enfoca mas ariba e automobilistanan, pa tene cuenta cu e dia aki ta bay ta hopi druk, y tene cuenta cu e incidente no ta avisa cu e ta bay pasa. Asina ta haci apelacion na e publico pa para na auto di manera cu e trucknan di Brandweer cu si algo mester pasa, cu e truck por para den e cayanan ey. Trafico ta bay ta druk e dia ey. Brandweer tin nan plan plus, dus cu nan por drenta via e otro cayanan pa nan por sigui haci nan trabao manera semper nan ta haci’e.
Door cu Brandweer ta traha hopi di cerca cu e otro departamentonan di Gobierno, nan ta bezig ta delibera ariba un plan con ta bay haci’e of si ta haci’e mescos cu Carnaval. Lo zorg pa e cayanan ta accesibel pa Brandweer. Esey ta loke Brandweer ta haciendo awo, con pa hink’e den otro. Si ta pidi automobilistanan pa no para iresponsabel cu ta stroba e trucknan di Brandweer yega na e scenario. Mester corda cu Brandweer lo mester di por lo menos tres meter pa nan por pasa e trucknan.
E dia aki Brandweer ta haci’e mescos cu un dia normal, ta warda te ora cu e yamada drenta. No ta hinca tur personal eyden, si bira druk e personal ta bay keda pega den trafico. No ta un auto chikito, pero ta un truck e ta. No por lag’e staciona na cualkier caminda. Si algo pasa pafo di e circulo ey, nan mester por sali di eynan tambe.
Conseho di parti di Brandweer ta pa ariba e dia aki, ta pa e avisonan cu normalmente ta duna na restaurantnan, pa nan tene cuenta cu nan di dos salida di emergencia mester ta habri y accesibel pa hendenan por sali. Si algo mester bay robes, no solamente incidnete di candela pero di polis tambe, den bar of algo asina, di manera cu e hendenan por sali via e di dos ruta di escape, pa e ta accesibel. Lo zorg pa tene enfasis ariba e dia ey, zorg pa e dia ey ta habri.
Prome cu e dia di entregamento di lista, lo duna advies na e snack y restaurantnan den vecindario. E dia ey mes, personal di Brandweer lo no ta eynan ta haci control, ya cu nan personal mester keda paraat y trabao mester sigui.
E hydrantnan na tur momento mester keda habri, y mane semper ta duna automobilistanan no para dilanti di e hydrant of no para eynan, di manera cu e truck di Brandweer yega, segun Sr. Ferdiand Ponson, vocero di Brandweer, mester ta accesibel na tur ora.