Diabierna tabata tin un derame di diesel na Hospital pa cual mester a pidi asistencia di Bombero. Sr. Ferdinand Ponson ta amplia.
El a splica cu esaki a leak pasa di un luga pa otro y el a bay e ruimte di coriente y esey ta e motibo pakico Brandweer a tuma e precaucionnan necesario pa cualke chispa forma un incidente sin cu tin mester. Esey ta parti di siguridad. Pa lok e ta e parti di riolering, DOW a encarga cu esey na Bubaliplas.
Mas aleu Sr. Ponson a splica cu di trempan mainta caba tabata bezig ta chupa tur loke tabata trata e riolering di hospital. Den e parti unda cu gasolio a leak esaki a wordo absorbi cu tera, cu korretljes, ela wordo haci limpi a lab’e tambe cu awa cu habon, haciendo e mas limpi posibel.
E siguiente paso pa hospital ta pa zorg pa e incidente aki no bolbe pasa, y tuma e medidanan preventivo y soluciona tur loke por a bay fout diabierna.
Tur cos na hospital ta bou di control y ya no tin nada mas di preocupa. Tin hendenan cu a dicidi di hunto cu e specialistanan di hospital, cu tin hendenan cu a bay cas. Ya pa diabierna atardi tur cos a normalisa y Brandweer a duna e ok pa por sigui cu e operacion normal di hospital, segun Sr. Ferdinand Ponson, vocero di Brandweer.