Despues cu e Coney Island no por a opera na Corsou y Boneiro pa motibo di mantencion nan a hayanan ta drecha tur cos pa por opera na Aruba y p’esey nan tin cu pasa 3 control prome cu dicidi di nan por opera na Aruba. Sr. Ferdinand Ponson di
Di parti di Brandweer nan a haci e prome inspeccion diamars, y nan a haci esaki hopi riguroso. Esaki a bay hunto cu e demas departamentonan di gobierno. Cada departamento ta haci nan di nan parti. Pero ainda nan mester haci dos inspeccion mas, prome cu dicidi si nan ta haya permiso pa habri na Aruba.
Di e rapportnan cu Cuerpo di Bombero a haya di exterior, nan a ripara cu ta bezig ta haci upgrading di e mashinnan. Y nan tin nan schema di mantenimiento cu nan ta haci. Aworaki, segun Sr. Ponson, nan no por duna un contesta fiho. Falta dos inspeccion ainda prome cu nan duna un veredicto final.
E mashinnan cu ta arma, te aworaki ta mustra ta bon. Brandweer ta haciendo un control riguroso, ta wak un ke otro, hunto cu e otro dienstnan. E ta mustrando di ta bayendo den bon caminda, segun Sr. Ponson.
Primordialmente pa loke ta siguridad, cu si algo pasa, e aparatonan ta na nan luga, pa si tin candela. E via di escape tambe mester ta na ordo. Pa loke ta e tereno, e ta un bon opcion, di manera cu tin hopi espacio pa parkeer y e lo no stroba trafico ariba e caminda principal. Y si algo pasa, tin hopi espacio pa para leu di e aparatonan.
Tur loke tin di haber cu e edad di e mashinnan y e mayoria inspectie cu mester wordo haci, esaki lo cay bou di DTI, segun Sr. Ferdinando Ponson, vocero di Cuerpo di Bombero.