Diaranson atardi riba Caya Betico Croes na altura di Cayena mall ta sosode un accidente unda dama chauffeur den un kia sportage kier a tuma un chens pa subi caminda net dilanti un truck di cargo cu ta bahando di pariba, e chauffeur di e truck a brake pa evita e dalmento pero tabata invano.
E truck a dal den banda di e porta di e chauffeur, a pone cu e dama no por a sali y tabata levemente herida y pega. E dama recien a haci operacion cu a pone cu paramedico no kier a confia di sake di otro porta pa evita haya mas golpi y mal movecion. Team di rescate di brandweer a presenta pa corta e porta di auto y asina paramedico a saca e dama y a keda transporta pa hospital.
