LOS ANGELES, California – E actor Brad Pitt a keda liber di cargo despues di un investigacion riba presunto abuso infantil contra un di su yiunan.
Un fuente familiarisa cu e caso, a bisa CNN diaranson cu Pitt a wordo declara liber di cargo pa e Departamento di Infancia y Servicionan Familiar (DCFS) di e condado di Los Angeles den su investigacion.
E investigacion a deriva di un incidente den un avion priva na September, un dia prome cu Angelna Jolie solicita divorcio di Pitt despues di dos aña di matrimonio.
CNN a contacta DCFS mediante email, pero un vocero di DCFS a nenga di comenta riba e caso, citando leynan di confidencialidad.
Jolie ta buscando e custodia fisico exclusivo di e seis yiunan di e pareha – Maddox, 15 aña, Pax di 12, Zahara di 11, Shiloh, di 10 y e morochonan Knox y Vivienne di 8 – cu ta nifica cu e muchanan lo biba cun’e y lo permiti cu Pitt lo bishita.
Siman pasa, Pitt a presenta un solicitud di custodia comparti.
Tanto Jolie como Pitt ta cumpliendo un acuerdo caminda cu e muchanan ta keda bao di custodia di nan mama y tin “bishitanan terapeutico” cu nan tata, segun e representantenan di Jolie.
E conclusion di e investigacion ta tuma luga un dia despues cu Pitt a haci su prome aparicion publico desde cu e y Jolie a anuncia nan separacion.
Fuente: CNN en Español