Recientemente a certifica e di cuater grupo di Leermeester door di e BPV (stage) Bureau di Colegio EPI.
Sra. Ninon Swaen y Sra. Natalie Carlo a fungi como trainernan di e curso menciona na unda 10 profesional di diferente compania a gradua. E graduadonan a ricibi nan certificado for di man di Sra. Ankie Danker, Directeur Bedrijfsvoering di Colegio EPI y Sra. Eddelyn Figaroa-Dijkhoff, BPV coordinator di Colegio EPI. E graduadonan ta Jessica Thijsen, Mireille van Varsseveld, Suzette Rodriguez-Cortes, Ivy Peterson-Goeloe, Griselda Ponson, Margriet Kelly, Wilhelmina Lenders, Rose Lyn Gomes, Natalie Servud y Sarisa Wernet-van der Linden.
Ta un profesional na trabou no ta nifica automaticamente cu un persona por comparti e conocemento aki profesionalmente cu un studiante. Pa e motibo aki a traha e training di Leermeester. Desde 2014 BPV Bureau di Colegio EPI ta ofrece e training di Leermeester. E training aki ta pa tur profesional cu ta guia studiante durante e parti practico (stage) di nan estudio.
Tin hopi necesidad na Aruba pa tin Leermeesters profesional durante stage. BPV Bureau di Colegio EPI ta ofrece e posibilidad pa tur compania na Aruba cu ta traha cu stagiaires ricibi e training aki pa asina nan profesionalnan tambe por bira un Leermeester.
E calidad di e parti practico di un beroepsopleiding ta esencial pa e studiante por logra tur su metanan durante su stage. Studiantenan ta experencia e situacion di trabou pa prome biaha y esaki tin un efecto hopi grandi riba nan mes como persona pero tambe riba nan futuro carera. E studiantenan aki ta e futuro profesionalnan di nos comunidad y ta esencial pa nan keda motiva y ricibi e oportunidad pa crece. E Leermeester tin e tarea importante pa yuda e studiante cu esaki y ta un ehempel pe. Hunto cu Colegio EPI e Leermeester lo zorg pa e studiante ricibi e conocemento basico di e profesion cu e ta studiando pe, como tambe siña e studiante bira responsabel y haya siguransa pa asina e por sigui crece den e ramo di su estudio y carera profesional.
Ta trata ampliamente topiconan manera motivacion, coordinacion y guia di e studiante durante di e training, pero otro topico manera colaboracion entre scol y organisacion (compania) tambe ta bin dilanti.
BPV Bureau di Colegio EPI kier a gradici e diferente companianan pa brinda su empleadonan e oportunidad pa haci e training y bira un Leermeester profesional.
Hopi pabien na tur graduado y hopi exito cu nan stagiairenan!
Companianan cu ta interesa di ricibi mas informacion di e Leermeester training por tuma contacto libremente cu BPV Bureau di Colegio EPI, riba e siguiente e-mail adres: [email protected] of por yama na telefon 525-8745 of 525-8701 y puntra pa Sra. Eddelyn Figaroa-Dijkhoff.