MERCA – Boy Scouts di Merca a anuncia cu nan lo cuminsa acepta miembronan nobo cu base den e genero cu ta aparece den nan solicitud di aplicacion. Loke ta nifica cu tin un porta habri pa muchanan transgenero cu kier converti den explorador. Y e medida ta cuminsa na wordo aplica inmediatamente.
Anteriormente, e organisacion tabata pasa riba e certificadonan di nacimento pa defini e eligibilidad den e programanan.
“Sin embargo, e enfoke ey ya no ta suficiente, pues e comunidad y leynan estatal ta interpreta e identidad di genero di manera diferencia y e normanan aki ta varia entre e estado,” e vocero di Boy Scouts, Effie Delimarkos a splica dialuna ultimo den un declaracion.
Di su parti, Zach Wahls, cofundador di Scout pa Igualdad, a aplaudi e decision. “Esaki ta otro dia historico pa Boy Scouts di Merca. E decision di permiti cu e muchanan transgenero ta participa den e Club di Scouts y Boy Scouts ta un paso importante pa e institucion aki.”
Fuente: CNN en Español