Diamars anochi banda di 7 or, Joint Rescue & Coordination Center (JRCC) di Wardakosta a scucha un mensahe cu tabata wordo transmiti riba VHF canal 16 for di e boto piscado IVY cu tabata den problema. E boto ta tin un cabuya pega den su chapaleta. Na e momento ey e boto tabata den laman teritorial di Aruba na mas o menos 5 miya for di Oranjestad. Mes ora e Metal Shark I-09 a sali pa bay yuda e boto. Pa 7:50 pm a sleep e boto bin paden cu ne.