Diabierna marduga un boto a bolter y zink cu tres pa cuatro persona abordo pazuid di Airport algun miya afo. E personanan a keda rond di e boto pero gasoline a basha for di e motor plama riba lama, y un rato despues a start un candela riba awa. E vlamnan a kima tur persona cu tabata den awa banda di e boto cu a zink y nan a haya kemadura na curpa.
Nan a landa bin direccion costa di Aruba pa haya ayudo pero un boto a rescata e personanan sacanan for di lama y hibanan waf na Barcadera. Aki ambulance tabata presente pa atende cu e victimanan cu kemadura na curpa. E boto cu a bolter y zink yama Animas de Guasares. Tur persona a keda atendi pa personal di ambulance na waf di Barcadera.