Dos siman pasa riba un diasabra a drenta e informe cu un boto local yama awacati a zink den area di Baho cu persona abordo cu lo tabata caminda pa busca pisca. E doño di e boto mes a sali for di Aruba cu un otro boto di un persona local pa yega te na unda cu nan a raporta pero pa ora cu nan a yega e boto a zink, segun personanan cerca tabata tin placa abordo debi na e trabou di pisca. A busca buceado local pa saca e boto, pero e prome intentonan tabata invano. A bay otro biaha pero no a topa cune na e localidad y a sigui otro biaha y diadomingo 16 Augustus nan a logra saca e boto parti mainta cu algun personal local cu a yega te na e boto awacati, y asina a bin cune ariba. Ta trata aki di e boto di e conocido Speed.