Awe 7 Januari 2018 pa mas o menos 8 am Central di Polis ta jama Polis Maritimo cu un boto Venezolano mester a yega Boca Cathalina. Patruya di Strand Polis tambe a bay den e direccion ey. Na yegada di patruya di Strand en berdad ta topa un boto. Ta trata di e boto registration AQYM 2498 “Las Gemelas”. Polis Maritimo tambe a presenta na e sitio y a cuminsa cu nan investigation. A resulta cu dia 4 Januari 2018 e boto menciona a sali di Venezuela di porta “Tocopero” cu 2 persona na bordo pa bay pisca. Nan a bay pisca den bisindario di penisula di Paraguana. Nan a haya problema cu motor y drief pasa Peninsula di Paraguana voorbij. Nan purba hasi señal cu nan cuchiu pa tera pero sin resultado. Nan a sigui drief bin direction noord. Nan a keda drief 3 dia riba laman. Nan tawata tin awa so na bordo pero sin cuminda. Door cu nan a tira reda den awa di Venezuela nan tawata tin algun pisca na bordo y asina a cuminsa come pisca kuru. Stroming a hiba nan te trece nan algun miya pabao(west) di Aruba. Door cu nan a waak tera nan a keda purba start un motor y a logra tambe net pa trece nan cerca di tera na altura di Boca Cathalina. Pa mas o menos 6 or di di diadomingo mainta nan a yega Boca Cathalina. Un di nan a bula na awa bay tera pa busca ayudo. E boto di polis BP 2 a bin na sitio y a tuma e personanan over y a touw nan boto direccion waf di Barcadera. Personal di immigracion a klaar in e persona nan. Via caminda nan oficial por a saka afo cu enberdad Venezuela a manda un aviso cu e 2 persona nan aki ta perdi riba laman. Mirando nan tabata cansa y sin come bon e ultimo dianan, Rode Kruis a tuma nan over pa asina dialuna mainta nan traha riba nan boto pa nan por sigui bek direccion Venezuela. Polis maritimo a yuda nan cu spark plug y fuel pa nan boto. Asina pa nan por yega bek Venezuela sano y salvo.