ATENAS, Grecia- Autoridadnan na Grecia a bisa cu un muhe a fayece y hopi mas lo ta perdi despues cu un embarcacion, cu migrantenan ilegal a bordo, a sink cerca di e isla Griego, Kalymnos.
Warda Costa a informa cu 13 persona a wordo rescata despues cu e boto di palo a sink den condicionnan climatico suave den oranan trempan di diabierna. Un operacion di rescate a wordo lansa pa busca e inmigrantenan perdi.
Grecia a mira un aumento den e yegada di migrantenan y refugiadonan den e ultimo lunanan, yegando na un tasa promedio di 200 pa dia, según gobierno Griego. Grecia a bisa cu un acuerdo di 2016 entre Union Europeo y Turkia, pa combati e trafico di migrantenan no ta core peliger di collapse. Esaki ta a pesar di e tensionnan den e relacionnan entre UE y Ankara.
Fuente: http://www.nonpareilonline.com