Ayera nochi den oranan di marduga, pa 1 or di mainta Warda Costa a intercepta un boto despues di a detecta esaki den e awanan teritorial di Aruba. A bay haci un control riba e barco pero esaki a purba di huy. A logra para e boto despues di a uza diferente tactica.
Abordo tabata tin 4 persona di nacionalidad Colombiano. A descubri bastante kilo di droga. Cantidad y sorto di droga no ta conoci ainda. A bin un bon cooperacion entre Kustsurveillance, KPA, Unit Georganiseerde Criminaliteit y Ministerio Publico. KPA ta sigui cu e investigacion.