Boto Alyssa intercepta ilegalmente den awa di Aruba a keda destrui

Riba 15 maart 2020 Wardacosta a detecta un boto biniendo for di awanan territorial di Venezuela. Un team di Metal Shark a bay pa intercepta e boto cu tawata nabegando direccion di Rodgers Beach. Durante control na bordo e team di Metal Shark a ripara cu documentacion na bordo di e boto cu nomber Alyssa no tawata cuadra. Pa e motibo aki a tuma contacto cu fiscal y a tuma decision pa tuma e boto den beslag pa por haci mas investigacion.

Durante di investigashon Directie Scheepvaart Aruba a bin constata cu e boto intercepta su documentashonnan no tawata cuadra cu loke tin den nan sistema. E capitan di Alyssa a purba drenta Aruba sin registra y sin paga impuesto na Douane pa e boto. Outoridatnan purba drenta den contacto cu e doño di e boto Alyssa pa e por presenta cu e documentonan original di boto, pero e doño nunca a presenta cu esakinan. Pa motibo cu nunca mas no a logra di haya contacto ku e doño, fiscal a tuma e decision pa destrui e boto pa motibo di importacion ilegal di e boto.

Comments

comments