Diasabra anochi un homber piscando ne pier cu tin pabou di e cura di airport net pazuid di surfside cu nikky beach a mira un boto biniendo den su direccion no ta stop y a bula core bay y mira con e boto a dal basta duro den e pier.
Tabatin varios persona den e boto di grandi pa chikito, e persona a reporta di biaha na autoridad. A despacha dos unidad di ambulance debi cu na prome instante a keda informa dos hende herida. Na yegada di unidadnan di ambulance tabatin mas cu 4 hende grandi y te hasta mucha herida. Polis tambe a presenta pa pone nan mes na altura di e cas. Total di tres ambulance a presenta y asina a pone tur hende den e ambulancenan drumi riba caminda y otro sinta pa bay hospital.
Segun e persona cu ta core e boto e no a mira e ta yegando cerca di e pier y consecuencia a dal basta duro den esaki.
