Diasabra pasa di 7’or anochi autoridad a keda informa cu un boto a bolter cu por lo menos 4 persona den area di Antillas pa Arashi y tin yen di hende den awa.
A despacha kustwacht di biaha a saca avion di Curacao y te hasta metalshark a yega di biaha. Foi halto e avion di Kustwacht tabata mira tur cos y metalshark a yega lihe y asina rescata tur cuatro persona. Segun nan version y informacion ricibi ta cu e cabuya pa anker a pega den e chapaleta y pone cu e boto a bolter. Tur persona a yega na canto cu kustwacht na Hadicurari pier y eynan ambulance a presenta y paramedico a controla tur 4 persona.
