Dialuna atardi personal di Kikoriko na Tanki Leendert a scucha un tiro pafo y ora a sali wak a constata cu e boter grandi di gas tabata sacando basta gas. A kere ta un explosion y den susto a bati alarma di biaha.
Unidad di brandweer a presenta di biaha na e sitio, a constata cu debi na e calor e boter di gas a acomula e gas y a saca e presion cu a yena e nivel. No tabatin nad di explosion y ta algo di costumber di un boter di gas momento di calor. Polis a tuma dato y asina tur cos a keda normalisa na e restaurant.