BOSTON – Boston Red Sox a impone den e prome wega di e World Series, ganando L.A. Dodgers 8 pa 4. Den di 7 inning, e Dominicano Eduardo Núñez a drenta como un pinch hitter, y ta conecta un homerun di tres careda pa asina establece e bentaha definitivo pa Boston Red Sox.
Pa Boston ta destaca e actuacion di Andrew Benintendi cu a bati di 4 hit durante e wega, mientras cu J.D. Martínez a bati 2 hit y ta impulsa 2 careda. Di otro banda, e ekipo bishitante a destaaca Justin Turner cu tres hit.
E pitcher habrido di Boston Red Sox, Chris Sale, ta lansa cuater inning, den cual e ta permiti 3 careda limpi y a poncha shete batiado. Boston a haci uzo di en total seis pitcher y ta permiti un solo careda mas pa loke ta e resto di wega. Mientras cu e pitcher habrido di LA Dodgers a defrauda permitiendo cinco careda limpi den cuater inning.
E di dos encuentro di e serie entre Boston Red Sox y LA Dodgers lo ta diaranson, un biaha mas den Fenway Park di Boston pa 8 or di anochi. Pa LA Dodgers lo habri e pitcher zurdo Hyun-Jin Ryu mientras cu pa Boston lo subi ariba e monticulo e pitcher zurdo tambe, David Price.