Dialuna 11 October e di 4 wega di American League Division Series (ALDS) ta inicia na Fenway Park Boston, unda cu den e prome inning nan Boston ta bay ariba 4 pa nada y despues ta anota un careda mas pa asina e wega bira 5 pa nada.
Pero sin falta , Tampa Bay ta lucha y ta empata e wega na 5-5. Un wega masha interesante mes unda cu tur dos ekipo ta hunga pa asina gana locual ta e American League Division Series (ALDS), cu un ventahe den e serie pa Boston cu ta 2-1, Boston ta sigui lucha pa Tampa Bay no bin empata esaki.
Na di 9 inning cu coredor na tercera base y segunda base, Kike Hernandez ta yega na turno cu 1 out pa asina termina e wega, Kike ta dal un fly na Left Field y asina Santana ta pisa y score pa finalisa e wega 6-5 na fabor di Boston, y ta sali Campion di ALDS.
Boston ta pendiente di e wega entre Chicago White Sox cu Houston Astros pa asina mira contra di ken nan lo mester hunga den e American League Championship Series (ALCS) y asina avansa pa locual ta World Series.