Booshi Wever: “Ta preocupante e falta di cifranan concreto riba maneho di desperdicio”

Diamars merdia, lider di UPP, Booshi Wever, tabata di bishita na Serlimar na Pos Chikito y tambe na dump na Parkietenbos. El a conta cu for di dia cu el a bay bishita e planta di Ecogas, e tabata hopi preocupa caba cu cifranan cu el a mira.

Despues diamars el a mira cu casi no tin cifra argumenta y hustifica, por ehempel un Waste-to-energy, unda cu na final e pueblo lo mester bay paga pa un aparato di mas di 300 miyon dollar, cu ta mas of menos 400 pa 500 miyon florin. Bo no tin cifranan concreto pa substancia y hustifica un inversion grandi asina ey.
Algo cu ta preocupa Sr. Wever inmensamente, pasobra ta mañan ta e pueblo tin cu bay paga pa esaki. Tin hopi incertidumbre den esaki. Por ehempel ta haci inversionnan den edificio na Pos Chikito, siendo cu te ainda nada no a wordo haci eynan. Awor aki ta spera cu e bira un exito. No tin ningun cifra concreto con e situacion di Aruba ta. Ta purba di bank esaki cu otro ehempelnan den exterior, cu ta full un otro situacion cu na Aruba. Tur esakinan ta cosnan cu ta yena Sr. Wever cu preocupacion. Alabes ta mira cu por ehempel e informacionnan cu a haya dia cu a bay Ecogas, na unda cu e cantidad di desperdicio cu nan ta ricibiendo, mirando cu nan ta e unico caminda cu ta ricibi, ta hopi menos den locual cu e cifranan cu tur tempo ta wordo uza.
Mas aleu, Sr. Wever a sigui bisa cu esey kiermen cu si kier tin un Waste-to-energy di 6 megawatt, awor aki caba, cu e cifranan cu a uza, mester di mas desperdicio. Es decir, cu lo bay mester bay importa desperdicio e ora.
Awor aki cu e cifranan cu ta menos desperdicio ta wordo entrega na Ecogas, cuanto desperdicio mester importa di afo. Sr. Wever ta bisa cu ta un lastima y cu ta causa preocupacion , ta cu tin hopi “experto” rond di minister, cu no ta adverti pueblo pa esaki. E cosnan aki, pa Sr. Booshi Wever, ta hopi preocupante. El a kere door di bishita Serlimar, Ecogas y Johnson, e lo ta mas trankil. Pero e ta hopi mas preocupa.
Sr. Wever a bay haya inzage pa documentenan cerca Minister Otmar Oduber, cu e lo kier pa Sr. Wever lesa. Eynan mes e mester a haci algun slip, unda cu el a mira algun documentonan cu kisas el a prefera pa Sr. Wever no a wak. Pero e (Wever) kier copia, pa tur hende por wak, cu loke e ta bisa, ta e berdad.
Awor aki e minister a splica cu el a manda e documentonan LAR, esey obviamente, segun Sr. Wever ta pa manda cos perde. Tambe Sr. Wever a bisa di ta contemplando pa lanta un kortgeding, pa asina e haya e documentonan aki, pa pueblo por mira kico realmente a sosode den e caso aki cu e incinerator chikito, unda cu un biaha mas, e minister aki ta privilegia cierto hendenan cu ta hopi cerca di dje.
Awor aki, segun Sr. Wever, ta e momento cu mester actua. E minister aki ta kere cu e por privilegia hendenan cerca di Sr. Wever, cu ta bay “praat een toontje lager”. Prome Wever a bisa cu e ta papia un toontje hoger. Y awo pa su informacion, e ta bay papia un “toon hoger”.

Ora a kere cu lo tin un instituto cu lo bay opera e waste-to- energy, tin tur informacion, mirando cu e proceso ta andando caba. Si ta kere cu sa cuanto porcentahe di e desperdicio, pero nan no kier pa e uza e palabra desperdicio, dus e ta uza e producto pa ‘upsighting’ na Pos Chikito, niun hende no tin cifra completo, e no ta funcionando. Esaki lo cuminsa opera dia 5 di juni, y nan ta purbando di keda cla. Ta haciendo yen di inversion, Sr. Wever ta sigui bisa, cu ta haciendo yen di inversion cu’n contract cu ta pa solamente 3 aña, di cual 1 a pasa caba. Dus ta haciendo inversionnan cu kisas aki dos aña e no t’ey mas.
E edificio aki tabata innecesario, pero a huur e luga pa yuda un amigo di e minister. Kisas aki dos aña, ora cu deshaci di e contract, e persona aki, apart di e haya placa di huur, aunke cu a bisa di lo verreken, pero e ta bay ta tin un edificio cu hopi mas balor awo.
Tempo cu a haci e RFP, cu a dicidi cu Bouldwin & Lawson ta hay’e, a busca un solucion. Pero esaki no, a “narrow down” e destaho publico na waste-to- energy. E situacion cu nan kier bin cun’e, no ta waste-to-energy, pero e ta waste-of-energy y waste of money. Na tur parti mundo e tipo di plantanan aki ta wordo cera of ta draai cu subsidio di gobierno. Ciudadnan grandi na Merca ta ceranan, pero na Aruba tin un cera unda cu Ecogas, cu pa motibonan di fabornan politico, e ta cera. Aki tin un ehempel na Aruba caba cu waste-to-energy no ta traha manera cu mester ta sin subsidio. Awo ta bay den un aventura di 500 miyon florin, unda cu e pueblo lo bay paga.
Awo ta pagando pa e verwerking cu tin na Ecogas, ta paga 160 florin di tipping fee. E berekening conservativo cu Sr. Wever a haci como Laico, ta yega na na mas o menos un tipping fee di 800 florin. ta bin acerca cu, probablemente, Ecogas lo tin cu bay cera, cu tur su consecuencianan. Esaki ta cosnan cu no ta wordo bisa.
Sr. Wever ta sigui bisa cu ta spera cu den e caso cu e lo lanta contra di Otmar Oduber pa a heya e documentonan cu el a wak, pa e por mustra pueblo, kisas te ora bay mas leu, di bay cu’n caso di dje, defendiendo UPP cu ta para pa transparencia y Bon Gobernacion, pa lanta un caso contra di e minister, unda cu e pueblo di Aruba no por sigui paga pa mal gobernacion y corupcion administrativo.

Comments

comments