Booshi Wever a haci entrega di carta di preocupacion na gobernador

0
RBC Juli 2018
Funmiles-2018

Sr. Booshi Wever di UPP a entrega un carta mas un notificacion na gobernador pa mustra ariba e desaroyonan cu nan ta haya cu ultimo simannan, a hala nan atencion. Lamentablemente nan a constata cu den parlamento esaki no ta haya suficiente atencion y ni di parti di gobierno.

P’esey a notfica gobernador pa medio di un carta y un notitie, den e caso aki ta trata di Serlimar, Dump y Sr. Otmar Oduber, cu na su parecer, ta bale la pena pa para keto un rato y wak kico a pasa y kico ta pasando y kico lo bay pasa, pasobra esey ta mas pio. Locual ta bay pasa ta bay perhudica nos tur na Aruba, segun Sr. Wever.

E carta ta pa pone na atencion di gobernador, tanto como Landsorgaan como Koninkrijksorgaan. Ultimo temponan por a ripara cu e actitud pasivo, 8 aña largo Aruba tabata tin un gobierno cu a haya aprobacion di Hulanda pa haci locual cu e kier y awo ta pagando pa e consecuencianan. Y awo ta parce cu tin un gobierno cu ta bayendo e mesun direccion. Ta pidi pueblo pa entrega por medio di un crisisheffing, y di otro banda ta keda derocha cu placa. E cos aki, segun Sr. Wever, esaki no ta klop cu pueblo di Aruba tin cu wordo sacrifica y minsiternan ta keda spart cu placa. Financistanan ta wordo previligia. Esey no ta haya atencion. Por a compronde cu tabata tin un reunion den parlamento, y a kere cu lo tin cambio, pero esaki no a tuma luga.

E no ta bay pa Booshi y cu UPP no ta sirbi, cual e no tin problema. Pero mester keda atento. No mester pidi permiso na niun hende pa vocifera locual e ta kere aden. Locual cu su wowonan mira y ta wak kico ta pasando, tambe informacionnan cu e ta haya, mester pone nan hunto, pa evita pa historia di e ultimo 8 añanan.

Sr. Booshi Wever su focus ta ariba un minister, ya cu informacionnan cu e tin aworaki, ta di specificamente di Sr. Oduber. Y un otro preocupacion ta Arubahuis, unda cu kier sali for di patrimonio di pueblo, cu supuestamente no ta den un bon condicion, unda cu ta bay huur un otro edificio. Esaki ta cosnan cu ta falta transparencia.

Un otro preocupacion ta e cantidad di hende cu a wordo tuma den servicio. E mesun Sr. Otmar Oduber a bisa den un programa di radio, cu e rapport di DHR cu tin 187 menos cu aña 2017, pero den reunion publico, Minister Presidente a bisa cu mas di 300 hende a wordo kita for di trabao. Si no a nombra niun hende, e rapport di DHR lo mester a pone cu tin 300 hende menos. Den un situacion cu tur hende ta grita cu e aparato gubernamental ta demasiado grandi, pero na mes momento ta sigui nombra hende.

Rol di gobernador den e situacion aki ta pa e ta alerta. Sr. Gobernador tin dos petchi bisti, como Landsorgaan y tambe Koninkrijksorgaan. Tur hende sa cu CAft tin un ‘vinger in de pap’den nos maneho financiero. Y tin cu mustra, aunke cu Caft tin suficiente hende capas pa wak e situacion aki, segun Sr. Booshi Wever, di UPP.

Comments

comments

C: Heineken
new india