Siman pasa Boolchand’s a haci un donacion di un Smart TV 43” pa nos Y’s Care Program na Dakota. Nos muchanan na YMCA Dakota tin e oportunidad awor di wak por ehempel film nan den forma HD manera tambe video nan ariba YouTube of pelicula riba otro servicio nan di streaming.
Nos mucha nan a keda super contento cu e gesto bunita aki di Boolchand’s cu tambe a percura pa e TV haya un bracket necesario pa asina e keda safe na canto di muraya.
Sigur un gesto bunita cu no solamente nos mucha nan di Y’s care lo disfruta di dje pero tambe na momento cu nos tin e popular April, Summer & October Camp cu ta yena cu actividad pa nos mucha nan.
YMCA tin dos localidad na Aruba, na Dakota y tambe na San Nicolas. Di dialuna pa diabierna nos ta brinda trai’merdia na mas di 100 mucha diariamente y ta percura pa nos muchanan ricibi un guia den nan desaroyo pa forma lider nan den future.
YMCA ta un Non-Profit Organization cu tin como meta pa sirbi nos futuro generacion cu habilidad nan pa bira un ciudadano ehemplar den comunidad. Cada donacion cu drenta na YMCA ta bay bek di un forma of otro na nos mucha nan.
Nos di YMCA ta gradici di curason na staff & personal di Boolchand’s pa un bon trato na nos organisacion.