Kralendijk – En konekshon ku kambionan di preis di petroli riba merkado mundial Gobièrnu di Boneiru ta adaptá preisnan di produktonan di kombustibel. E siguiente kambionan di preis di kombustibel lo ta na vigor entrante 9 di ougùstùs 2019. Gobièrnu di Boneiru ta partisipá ku e adaptashon di preis entrante 9 di ougùstùs2019 ta resultá den un subida pa kerosin i un bahada pa LPG 100 i 20 lbs. Gasolin i gasoil ta keda meskos kompará ku luna di yüli. E subida di preis di kerosin ta 0.10 dòler sèn, e bahada pa LPG 100 lbs ta 0.62. dòler i pa LPG 20 lbs ta 0.42 dòler sèn. E próksimo adaptashon di preis di kombustibel lo ta den luna di sèptèmber 2019. Aki ta sigui un lista di tur e preisnan di e produktonan di kombustibel manera stipulá dor di Gobièrnu di Boneiru i ku lo drenta na vigor dia 7 di ougùstùs 2019 pa loke ta trata preis di benta por mayor i dia 9 ougùstùs 2019 pa loke ta trata e preis di benta na pòmp.
Preis por mayor
Mogas95115.09USDct pa liter.
Kerosine 58.97USDct pa liter.
Gasòil 77.98USDct pa liter.
LPG 100LBS 25.08 USD pa silinder.
LPG 20LBS 6.62 USD pa silinder.
Preis pa detayista
Mogas 95 122.00USDct pa liter.
Kerosine 61.60USDct pa liter.
Gasòil 82.00USDct pa liter.
LPG 100LBS 31.20USD pa silinder.
LPG 20LBS 8.13USD pa silinder