Boneiro Noticianan Policial 11 Januari te cu 14 Januari 2019

Willemstad Boneiro: Notisia di polis di djabièrnè 11 di yanüari te ku djaluna 14 di yanüari 2019
Riba djabièrnè, 11 di yanüari alrededor di 6.55 or di mainta a detené un hòmber di inisial J.A.M. di 28 aña di edat, durante di algun entrada hudisial relashoná ku un kaso di tiroteo den Centrumgebied, desèmber aña pasa.
Durante di e búskeda den e kas na Rincon a bin topa ku entre otro un kantidat chikí di droga, i algu paresido na un arma di kandela.
Den su totalidat a tene 3 entrada hudisial, 2 den e bario di Nikiboko i 1 den e bario di Rincon.

Riba djabièrnè 11 di yanüari pa mas o ménos 2 or di mèrdia a detené un hòmber di inisial A.E.P. na Kaya Rincon en konekshon ku ladronisia.

Den oranan di atardi di e mesun dia, alrededor di 5.45 or, sentral di polis a risibí notifikashon di un kandela na un kas situá na Kaminda Gurubu. Na yegada di patruya a resultá ku ta un kònteiner di sushi tabata na kandela. E kandela a surgi dor ku e doño ke a sende un nèshi di maribomba na kandela. Brantwer a bin na e sitio i a paga e kandela. No tabatin herido.

Riba djasabra 12 di yanüari, pa mas o ménos 12.21 or di mardugá, un aksidente entre un outo i skuter a tuma lugá riba Bulevar Gobernador Nicolaas Debrot. E skuter ke a pasa e outo nèt na momentu ku e outo tabata kita na su man robes pa drenta un hanchi. Shofùr di e skuter a sufri raspu na su brasanan i ambulans a transporte pa hospital pa kontrol médiko.

Den oranan di mainta di djasabra 12 di yanüari, a drenta keho di ladronisia di e plachi di numbernan B-7972.

Mas lat den oranan di atardi a drenta keho di ladronisia di hèrmènt di konstrukshon for di un sitio di konstrukshon situá na Kaya Gristelchi. A bai ku entre otro un krenwá kolo shinishi, un generator di diesel kolo blanku, un skòp firkant i un waya di koriente kolo hel.

Riba djadumingu 13 di yanüari, pa mas o ménos 10.15 or di anochi un aksidente ku un outo a tuma lugá riba e krusada ku ta konektá Kaya Ir. R. Statius van Eps ku Bulevar E.E.G. E outo ku tabata koriendo riba Kaya Ir. R. Statius van Eps den direkshon di Bulevar E.E.G. , a sigui kore na e krusada i a bai dal den un palu di koko na otro banda di kaminda. Shofùr di e outo a keda herida na ámbos man i pia i tambe na su kara. E otro okupante di e outo tabata keha di doló na su hep. Ambulans a transportá ámbos víktima pa hospital pa tratamentu médiko.

Comments

comments