Kralendijk Boneiro: Tourism Corporation Bonaire (TCB) huntu ku e paviljoen di Boneiru a atendé e di 40 DEMA show. E evento a tuma lugá na Las Vegas, Nevada. E show anual di DEMA, e evento komersial mas grandi na mundu pa kompanianan ku ta hasi negoshi den Scuba Diving, Ocean water sports i den industria di Adventure Dive, ku ta atraé mas di shen ekshibidó i míles di biahero i profeshonalnan den industria di biahe rònt mundu.
Ekshibidónan di e paviljoen di Boneiru tabata e representantenan di Belmar, Buddy Dive Resort, Budget Rent a Car Bonaire, Captain Don’s Habitat, Caribbean Club, Den Laman Condominiums, Delfins Resort, Divi Flamingo Beach Resort & Casino, Dive Friends Bonaire, Eden Beach Resort, Plaza Beach Resort, Sand Dollar Condominiums, Tourism Corporation Bonaire i VIP Diving.
Durante di e evento di kuater dia, míles di bishitante, inkluyendo profeshonalnan di e ramo di industria i miembronan di prensa, a bishitá e stènt di TCB den e paviljoen pa sea sera konosí ku e destinashon òf pa topa amigunan bieu atrobe pa diskutí plan i programanan ku tin planiá pa e aña benidero. Tabatin representantenan presente pa asistí potensial organisadónan di biahe, atendé pregunta- i preokupashonnan i parti material di promoshon. Mayoria propiedat i dive shops a ofresé DEMA Specials e paviljoen di Boneiru tabata bon bishita anto e ekshibidónan a keda satisfecho ku nan a hasi bon benta durante e show. E paviljoen di Boneiru tambe a organisá un “Bonaire Happy Hour” pa e partnernan ku ta bende Boneiru. Esaki a tuma lugá na Rhumbar na Mirage Hotel na Las Vegas i a keda transportá den un Limo Bus.