Boneiro: Redusí poseshon di arma (di kandela) ilegal ta den interés di un i tur i pa logra esaki lo tin den e periodo di 21 te ku 27 di òktober na Saba i Sint Eustatius i di 28 di òktober te ku 3 di november na Boneiru un kampaña pa entregá arma ( di kandela). E proyekto “Entregá i desarmá” tin komo meta pa kita arma di kandela i otro tipo di arma for di kaya mas tantu ku ta posibel, pero tambe pa enfatisá konsientisashon di e peliger di arma riba kaya.
Por entrega arma (di kandela) entre 8 ‘or di mainta pa 8 ‘or di anochi na Kuerpo Polisial Karibe Hulandes (KPCN). Na Boneiru por hasi esaki tambe na ofisina di Ministerio Públiko. Tin posibilidat tambe pa hasi un sita, pa laga rekogé e arma dor di KPCN. Lo komprobá identidat di esun ku entrega un arma di kandela. No por entregá arma di kandela di un manera anónimo. Si después di un tèst di tiru resultá ku no tin insidente ku e arma, lo no persigui e persona ku tin e arma den su poder.
Si resulta ku si tin un konekshon di e arma entrega i un incidente, e persona ku entregá esaki lo wòrdu skuchá komo un sospechoso. Otro tipo di arma, (pensa riba arma pa dal, hinka of bati) si por wòrdu entregá anónimo.
Durante di e akshon di entrega arma, hobennan di diferente skolnan lo partisipá na un konkurso kaminda pa medio di fotografía nan por mustra kon e komunidat ta wòrdu influenshá dor di arma i tambe nan bida.
Traha huntu pa un Karibe Hulandes mas sigur.