Boneiro: ISMAR DE PALM DI 21 AÑA TA KEDA ASESINA.
Boneiru ta konose su prome kaso di asesinato na momentu ku djadumingu anochi algu prome ku 10or di anochi melding ta drenta na sentral di polis ku un homber a wordu tira i e no ta reakshonando.
Mesora sentral a dirigi patruya polisial pa e sitio i tambe ambulans.
Na jegada di e personal di ambulans nan no por a hasi nada mas pa e viktima ja ku ela fayese na e sitio mes di e insidente.
Mesora outoridatnan ku a jega e sitio a start un investigashon pa sa kiko a pasa.
Informashon no ofisial ta indika ku e viktima i un amigu di dje lo tabata den outo sinta den kura di San Bernardo enfrente di Spanhoek.
Direpiente un outo ku tambe lo tabata riba e tereno di San Bernardo a jega para den nan banda, aki nan un homber lo mester a bula baha i los un kantidat di bala dirigi riba Ismar kende a keda mortalmente herida.
Su amigu ku tabata den outo kune a spanta i bula sali for di e outo.
E sospechoso ku a los e tiru nan mortal a drenta den e outo ku ela bin kune i a hala kita for di e sitio.
E homber asesina a keda identifika komo Ismar de Palm nase 16 di Januari 2003.
Ismar tabata tin 21 aña di edat.
Outoridatnan ta trahando duru riba e kaso pa kaba solushona esaki.
Recherche nan lo mester tin sierto pista nan kaba i imahen nan di kamera tambe ta judando e investigashon.
Forsa na famia ku perdida di nan ser keri.
Corteia di Live 99 Fm Boneiro.
