Kralendijk: Bonaire International Airport N.V. (BIA), meskos ku añanan anterior, a bolbe presentá un kuenta anual aprobá. BIA ta e operadó di Aeropuerto Flamingo, un porta di entrada (gateway) importante pa Boneiru. Ku esaki e tin un papel krusial den ekonomia i infrastruktura di Boneiru i un funshon sosial-kultural importante. Pa un bon atministrashon, transparente i manehabel, kontrol di responsabilisashon ta esensial. P’esei BIA a laga e ofisina di akountent independiente BDO Dutch Caribbean kontrolá su kuenta anual.
Den e aña di relato 2023 BIA a mester a hasi esfuersonan adishonal pa a kumpli ku regulashon nobo i mas estrikto. Bia a logra esaki ku éksito, den bon konsulta ku BDO, ku ekspertisio di Deloitte Dutch Caribbean B.V. i ku kontribushonnan balioso di diferente kolega di BIA. E proseso a kondusí na un mihó manera pa spar pa mantenshon grandi i pa invershonnan nobo.
Akountent BDO ta deklará: “Nos a kontrolá e kuenta anual 2023 di Bonaire International Airport N.V. Na nos opinion e kuenta anual athunto ta duna un bista konfiabel di volúmen i konstelashon di e biennan riba 31 di desèmber 2023, i e resultado den 2023.”
CFO di BIA, Reza Asgarali ta bisa: “E deklarashon di kontrol aprobá akí ta un konfirmashon di e akountent independiente, ku e responsabilisashon finansiero di BIA ta duna un bista konfiabel i honesto di nos posishon finansiero. Esaki ta un konfirmashon importante ku nos ta manehá nos asuntunan finansiero di forma transparente i responsabel. Esei ta krusial pa konfiansa di por ehèmpel instansianan gubernamental, institushonnan finansiero i públiko. E ta un señal di stabilidat finansiero i sano. E kontrol a yuda pa identifiká puntonan di atenshon di manera ku BIA por sigui mehorá su maneho finansiero aun mas. E ta demostrá ku BIA ku tur su empleadonan ta riba e bon kaminda, i ku traha konhuntamente duru ta duna su fruta.