Gezaghebber di Bonaire, Sr. Edison Rijne, tabata recientemente na Aruba pa cu torneo di Reino.
Sr. Rijne a haci un bishita di cortesia na S.E.Gobernador di Aruba, minsiterraad y tambe cu Sra. Prome Minister di Aruba. Bonaire ta bayendo, en general, ta bayendo hopi bon, el a conoce un crecemento turistico importante tambe den e ultimo añanan. Tambe e desaroyo di construccion tambe a mira un crecemento.
Bonaire a cera un acuerdo cu Den Haag, pa asina nan por haya mas yudansa riba tereno di infrastructura, a base di un bestuursakkoord, cual lo por wordo firma na final di october.
Pa loke ta trata e desaroyonan entre Aruba, Corsou y Bonaire, tocante turismo crucero, Sr. Rijne no kier a bisa mucho cos, solamente cu a papia ariba cosnan cu tabat existi caba, unda cu tabata tin un protocol entre Aruba y Bonaire, esaki ta loke Sr. Rijne a palabra hunto cu gobernador, cu por ta tipo di cosnan asina mester pone bida den dje, di e intercambio y cooperacion di e dos islanan aki. Aruba y Bonaire tin un historia hunto como tameb un futuro hunto. No ta asina, segun Sr. Rijne, cu despues di 10-10-10, e hermandad a caba. Al contrario, awo mas cu nunca, lo por haci uzo di otro y desaroya otro mas unda cu otro por cay aden. Y di otro banda, esun cu por yuda otro, Bonaire hunto cu Aruba y Corsou, lo mester keda conta ariba otro.
Pa loke ta e plannan, lo mester papia ainda cu Bestuurscollege di Bonaire, pa traha ariba e reclassering, voogdijraad, unda cu e tres islanan por traha hunto pa tin miho probecho, pa asina yega mas cerca di otro.
Bonaire ta den un desaroyo economico positivo, tin diferente inversion ta tumando luga, turismo ta creciendo. Esey no kiermen cu tur hende ta disfrutando di tur e cosnan aki, y aki ta caminda cu cosnan lo mester drecha pa e rikesa wordo parti igual. Esaki ta trabao cu gobierno tin pa e rikesa worod parti den tur Boneriano cu tin derecho airba dje y pa hiba un bida digno ariba Bonaire.
Den e añanan nos dilanti, Sr. Rijne ta premira cu Bonaire lo wordo desaroya conhuntamente cu Den Haag, Corsou y Aruba pa traha hutno pa asina desaroya tur e islanan hunto. Aruba y Corsou tin cierto puntonan cu lo por yuda cun’e y Bonaire tambe lo por yuda den algun cos, pa pone schouder hunto pa duna bida na plannan cu tabata tin semper pa duna bida na tur e plannan cu tin desde hopi tempo caba, segun Sr. Edison Rijne, gezaghebber di Bonaire.