Awe mainta, 2 di maart rond di 00:00 ora camber di radar di Cuerpo Polis Aruba (CPA) a meld un contacto riba radar den area oeste di Aruba. Mesora a notifica Wardacosta, cu mesora a saca un Metal Shark pa bai intercepta e boto. Rond di 00.30 a intercepta un lancha cu 11 persona indocumenta abordo, di cual 10 persona masculino y 1 femenino.
Wardacosta a trece e lancha paden, y a detene e capitan y su ayudante pa traficacíon di hende. E dos personanan aki a wordo pasa pa e Unidat di Traficacíon di Hende di CPA pa mas investigacíon.
E demas 9 personanan a wordo traslada pa Warda nos Costa. Mester remarca cu e caso aki ta resultado di bon coperacíon entre cuerponan di Wardacosta, Cuerpo Polis di Aruba y Warda nos Costa.