Diahuebs atardi cu urgencia brandweer y polis a keda despacha pa Savaneta unda lo tin un cas na candela. Polis y brandweer a yega basta lihe na e sitio y topa cu un cas cu huma ta sali pero no tabatin hende den e cas e momento ey. Di biaha a kibra un plywood pega na entrada di e cas y asina drenta paden pa domina e candela. Personal di Elmar cu tabata cerca y a mira e huma a core drenta accion y kita e fusenan pa evita cualkier daño grandi.