Dialuna mainta habitante di Montaña a bati alarma cu huma ta saliendo for di dak di su cas despues cu un compania di contratista a haci trabou riba algun tuberia na e cas. Un bombero durante su ora liber cu ta biba den e area a sali di biaha duna un man y a drenta accion mientras cu e truck a sali for di Tanki Flip. Aki e bombero Gino den su ora liber a logra domina e situacion di biaha. E truck mes a presenta y a observa e situacion y tur cos tabata bou di control caba den man di nan colega cu tabata t’ey prome den su ora liber. Polis tambe a yega na e sitio pa mira e situacion y tuma dato.