Mester keda mantene traning pa e personal di bombero pa asina tin un idea di kiko por por hasi ora tin cu tuma accion mas lihe. Sr. Ferdinand Ponson di Cuerpo di Bombero ta amplia.
Normalmente brandweer ta train tur dia, cada ploeg ta train individual ora di ta na warda. Cu e afdeling Preparatie ta haciendo extra training aworaki pa yudanan pa yega na e siguiente nivel. Tin cosnan nobo, evolucion cu a bin tecnica den e sistema di separacion, pa upgrade y update pa tur hende ta traha ariba e mesun liña.
Cuerpo di Bombero a haci un training, pa loke ta e distancia pa e bombero pa cual un bes mas mester a hasi esaki pa e personal. Esaki ta un parti cu ta haci, pa wak con e hefe ariba e truck ta traha, e ordonan cu e ta duna y su comandonan. Ta tene cuenta cu esey, y ta dun’e feedback ora cu training caba, di kico por a bay miho, kico a bay hopi bon y kico mester traha ariba dje.
Na paisnan grandi ora cu e bombero ta den accion, e por hay’e cu sorpresa, y Sr. Ponson a splica cu ora cu drenta e opleiding di Brandweer, e futuro bombero ta haya tur e informacion di investigacion, e trainingnan necesario, ora cu yega na e sitio di e sucedido. Hopi hende ta wak ora e bombero yega p.e. na e cas na candela, nan ta pasa rond di e cas. Esaki ta pa kita coriente, kita boter di gas, wak ki peliger extra por tin. Wak e bentananan, check unda e candela por ta pafo, prome cu nan bay paden. Tambe nan ta puntra e habitante, si tin un boter di gas paden, cual ta pasa hopi ultimamente, aunke cu e ta algo cu ta prohibi. Ta kita e peliger di mas grandi prome cu e bombero drenta bay paden.
For di ora cu melding drenta, e operador ta puntra esun na liña tur e informacion, si tin hende pega den cas, si tin productonan peligroso den cas, si tin algun animal di cas paden. Tin ora cu e bombero ta yega paden, nan ta haya nan cu sorpresa pero e bomberonan ta ripara di biaha, na e densidad di e huma, e color di huma. E bombero ta siña lesa esey den e lesnan. Por wak esey via di e huma.
Por ultimo Sr. Ferdinad Ponson, vocero di Brandweer a splica cu Cuerpo di Bombero ta recomenda pa tur hende tene cuenta cu no mag di pone boter di gas paden. Ora cu nan bay haci control, dus e Departamento di Prevencion di Bombero, cu si nan haya e boter di gas paden, polis ta bin tambe y tin probabilidad cu por haya hasta multa. Esaki ta pa a trece bida di hende na peliger.