Diasabra pasa di 10’or mainta un turista a bay den su camber di hotel na Oceania y a ripara cu un di e tasnan no ta di nan na momento cu nan tabata coba aden. A topa cu dos artefacto straño manera un BOM cu ta pone na tera pa hende trapa y a raporta di biaha na seguridad unda polisnan a presenta di biaha na e sitio. A evacua un cantidad di turista cu tabata den e piso menciona, y a pone tur hende na un distancia. E oficialnan no a confia e situacion ora a mira e artefactonan y a activa e BOM TEAM di Cuerpo Policial. A yega na unda e artefactonan ta, y a constata cu ta filternan pa gasmask. Asina a laga tur turista cu a keda evacua for di nan camber di hotel bay bek den nan camber sin ningun problema. E oficial a splica tanto e personal di e hotel y e turista kico tabata e dos artefactonan y asina tur hende a keda trankilo.