Inglatera – Na un ciudad di Inglatera cu yama Great Yarmouth a rementa un bom di segundo guera mundial. E explotacion a sosode na momento cu nan tabata desmantela e bom. E explotacion aki a genera un zonido sumamente duro cu el a keda scucha y sinti te na e parti zuid di Inglatera.
E bom tabata tin un peso di 250 kilo y a keda descubri riba diamars. Specialistanan a purba di desmantela e bom na un manera cu ta core e risico cu e bom lo explota. E hefe di polis a bisa aunke e manera pa desmantela tin su peliger, esaki lo tabata e unico manera mas sigur y cauteloso di desmantela e bom.
Na momento di e explotacion ningun persona a keda herida.