Bom ciclonico ta cobra su prome bida

DENVER, Merca- E ‘bom ciclonico’ cu ta afecta centro di Merca e siman aki, a provoca e morto di un polis, varios accidente di auto y probleman aereo grave den e centro di e pais. Su bientoann di horcan y sneeuw ta afectando principalmente Colorado, Wyoming y Nebraska.
Un di e estadonan mas castiga tabata Colordado, unda cu’n oficial di patruya estatal a perde su vida despues di a wordo gedal pa un vehiculo cu a perde control ariba camidna. E polis tabata na e luga atendiendo un accident prome cun’e, cu a perde control door di e sneeuw.
Polis di Denver a reporta al menos 125 accidente di trafico den e ciudad y a decreta un alerta. “Sali solamente si ta absolutamente necesario pa sali, please sea cauteloso”, el a pidi den un tweet. E gobernador di estado, John Hickenlooper, a declara estado di emergencia debi na e tormenta.
Airport internacional di Denver, un di esunnan mas importante di e pais, a hay’e obliga na cera su seis pistanan y a cancela mas di mil vuelo. No obstante, recientemente a informa cu cuater di su pistanan ya ta den funcionamento y e vuelonan a wordo reprograma.
E scol di e shete condadonan di Denver a wordo cera a consecuencia di e inclemencia di e tempo, mescos cu mayoria di e oficinanan gubernamental y estatal, y varios empresa.
Bientonan ya caba a provoca cortenan di electricidad den mas di 4 mil vivienda y localnan comercial den e estado, segun e empresa di servicionan publico Xcel Energy Colorado.
Ta ser spera cu e tormenta provoca awaseronan fuerte den e area oost di Nebraska, Iowa, Wisconsin y Minnesota, unda cu e cantidad grandi di sneeuw acumula ta aumenta e menasa di inundacion di e riunan. Pa diahuebs, ta spera cu e tormenta lo por debilita ora cu e pasa den e valle di e riu Tennesse.

Comments

comments