E ex-presidente di Brasil, Jair Bolsonaro, ta lansa pronto un coleccion di fragancia riba mercado nacional respalda p’e famoso makiyado local Agustín Fernández, kende a crea un fragancia p’e casa di e ex-mandatario, Michelle Bolsonaro, na 2023.
E noticia a wordo confirma pa mesun makiyado via su red social, anuncia cu e perfume di Bolsonaro lo ta disponibel pa benta entrante 21 di maart, segun informacion di e medionan local.
“Ta firma e comienso di un era nobo, cu e honor y e privilegio di a crea un perfume pa nos marca door di e homber cu mas nos ta admira,” Fernández a expresa riba su rednan, referiendo n’e ex-presidente di extremo derecha.
E makiyado a describi e fragancia como un perfume cu “ta encarna exclusividad, forsa masculino y resistencia”.
Mientrastranto, e ex-mandatario ta enfrentando un investigacion hudicial pa supuestamente instiga atake violento rib e sedenan di e tres podernan na Brasília na januari di 2023, un caso conoci na Brasil como un intento di golpi di estado contra e presidente Luiz Inácio Lula da Silva.
Recientemente, un encuesta realisa p’e consultant Genial Quaest y divulga p’e revista Veja a revela cu mita di e Brasileñonan ta considera husto cu Bolsonaro wordo encarcela p’e incidentenan aki, cu imagen di e masa furioso cu a ataca e Palacio de Planalto, congreso y Corte Supremo Federal (STF), a dal buelta rond mundo.
